Transfer çalışmalarını davam etdirən “Araz-Naxçıvan” heyətini yeni qapıçı ilə gücləndirib.
Sportinfo.az xəbər verir ki, Naxçıvan təmsilçisi bir müddətdir baxışda olan, “Turan Tovuz”la yoxlama oyununda da iştirak edən bosniya və herseqovinalı Semir Bukviçlə anlaşıb.
1.88 sm boya malik 32 yaşlı qolkiperlə 1 mövsümlük müqavilə imzalanıb.
Semir Bukviç son olaraq ölkəsində “Sloboda Tuzla”nın formasını geyinib.
Əsasən Bosniya və Herseqovina klublarında çıxış edən qolkiper Polşada legioner həyatı yaşayıb.
Klub daha əvvəl legionerlərdən portuqaliyalı Nuno Migel və braziliyalı Vandersonla 1 illik sözləşmə imzalayıb.
