Region Liqasında son mövsümün çempionu olan “Qusar” inkişaf yolunda növbəti addım atıb.
Kluba təmsil etdiyi rayonun ərazisində torpaq sahəsi ayrılıb.
Qusarın giriş hissəsində yerləşən bir neşə hektar torpaq stadion və baza tikmək üçün nəzərdə tutulub.
Üç ildir fəaliyyət göstərən “Qusar” növbəti mövsüm II Liqada mübarizə aparacaq.
Şimal təmsilçisi stadion probleminə görə I Liqadan kənarda qalıb. Kamran Əlibabayevin çalışdırdığı komanda ev oyunlarını indiyədək Siyəzandə keçirib.
“Qusar” Region Liqasının Tovuzda keçirilən final qarşılaşmasında Zəngilan “Çinar”ına 2:0 hesabıyla qalib gəlib.
SPORTİNFO.AZ
