Azərbaycan millisinin futbolçusu Mahir Emreli karyerasını İspaniyada davam etdirmək imkanına sahibdir.
Sportinfo.az xəbər verir ki, sportal.az-a verilən məlumata görə, "Dinamo"ya məxsus olan hücumçuya "Jirona"dan təklif gəlib.
İspaniya Primerosunda mübarizə aparan klub Emreli üçün Zaqreb təmsilçisinin rəsmiləri ilə danışıqlara start verib.
Xorvatiya çempionu millimizin üzvü üçün ispanlardan 2,5 milyon avro tələb edib.
Qarşıdakı həftə Mahirin "Jirona"ya keçidi məsələsi aydınlaşacaq. 25 yaşlı forvard başa çatan mövsümü qış fasiləsindən sonra "Konyaspor"da keçirib.
