COP29

Yığmamızın Avropa çempionatında iştirak edəcək heyəti açıqlandı

20 May 00:20 Güləş 629
Yığmamızın Avropa çempionatında iştirak edəcək heyəti açıqlandı

Mayın 20-dən 26-dək ilk dəfə Bakıda keçiriləcək güləş üzrə U-23 Avropa çempionatında iştirak edəcək millilərimizin heyəti müəyyənləşib.

Sportinfo.az xəbər verir ki, Bakı İdman Sarayında təşkil ediləcək qitə birinciliyinin ilk günlərində yunan-Roma güləşi üzrə mübarizə baş tutacaq.

Komandamızın tərkibində Rəşad Məmmədov (55 kq), Nihad Quluzadə (60 kq), Ziya Babaşov (63 kq), Fəraim Mustafayev (67 kq), Ruslan Nurullayev (72 kq), Xasay Həsənli (77 kq), Qurban Qurbanov (82 kq), Laçın Vəliyev (87 kq), Murad Əhmədiyev (97 kq) və Sərxan Məmmədov (130 kq) yer alıb.

Daha sonra estafet qadın güləşçilərə keçəcək. Bu növdə Şəhanə Nəzərova (50 kq), Elnurə Məmmədova (53 kq), Gültəkin Şirinova (55 kq), Jalə Əliyeva (57 kq), Ruzanna Məmmədova (59 kq), Nigar Mirzəzadə (65 kq) və Mərziyə Sadıqova (72 kq) ölkəmizi təmsil edəcək. Birgül Soltanova (62 kq) zədələndiyi üçün adı iştirak ərizəsindən çıxarılıb.

Yarışın son günlərində isə sərbəst güləşçilər xalçaya çıxacaq. Yığmanın heyətində Elman Ağayev (57 kq), Nürəddin Novruzov (61 kq), Musa Ağayev (65 kq), Kənan Heybətov (70 kq), Cəbrayıl Qadjiyev (74 kq), Ali Tsokayev (79 kq), Arseniy Djioyev (86 kq), Anar Cəfərli (92 kq), Rəvan Musayev (97 kq) və Yusif Dursunov (125 kq) uğurlu çıxış etməyə çalışacaq.

Görüşlər hər gün 10:30-da start götürəcək. Açılış mərasimi mayın 20-də 17:15-də başlayacaq. Həlledici qarşılaşmalar isə 18:00-dan 20:30-dək davam edəcək.

Avropa çempionatında 1-ci dərəcəli hakimlərimiz Hicran Şərifov, İntiqam Alıyev və Kamran Əliyev ədaləti qoruyacaq.

Digər Xəbərlər
Xəbər Lenti