.jpg)
"Bu, mənim üçün sayca 3-cü olimpiada olacaq. Amma hazırda elə hiss edirəm ki, sanki birincidir. Hələ də qələbə əzmi ilə alışıb-yanıram".
Sportinfo.az xəbər verir ki, bu fikirləri Azərbaycanın sərbəst güləşçisi Şərif Şərifov (97 kq) Tokio-2020 Yay Olimpiya Oyunlarına səfər haqda federasiyanın rəsmi "yutub" kanalına açıqlamasında deyib.
Olimpiya çempionu bu yarışa fərqli fomada kökləndiyini bildirib:
"Tokio olimpiadasına karyeramın sonuncu yarışı, həlledici an kimi hazırlaşmışam. Olimpiya oyunlarında karyeramı gözəl şəkildə başa vurmaq istəyirəm".
