Avropa çempionatının əsas mərhələsində çıxış edən 19 yaşadək futzalçılardan ibarət Azərbaycan yığması ikinci oyununu keçirib.

Sportinfo.az xəbər verir ki, Ağatahir Əzimovun rəhbərlik etdiyi kollektiv Hollandiya ilə qarşılaşıb.

Sloveniyadakı Podçetrtek İdman Sarayında keçirilən qarşılaşma Azərbaycan yığmasının ardıcıl ikinci məğlubiyyəti ilə başa çatıb.

Xatırladaq ki, Azərbaycan yığması ilk görüşdə Kiprə 1:7 hesabı ilə uduzmuşdu. Hollandiya isə Sloveniyanı 5:4 hesabı ilə məğlub etmişdi.

Ardıcıl iki məğlubiyyətdən sonra millimiz növbəti mərhələyə vəsiqə qazanmaq şansını itirib.

U-19 turnirdə son oyununu martın 30-da, saat 21:00-da Sloveniya yığmasına qarşı keçirəcək.

2-ci qrup

Hollandiya – Azərbaycan 6:1

Qollar: K. Əsədli, 22:10 – K. Van Londen, 05:21, 10:16, F. Amheye, 21:03, M.Saber Ben Khalou, 23:36, 30:25, F. Hendriks, 39:40.
Hakimlər: Damian Yaruçyeviç (Polşa), Marko Tothenfluh (İsveçrə), Yuri Neverov (Rusiya).
Podçetrtek İdman Sarayı. Saat 19:30.

Hollandiya: 1. Youssef Ben Salem (q), 3. Fabian Hendriks, 6. Sabri Haruna Kabamba, 10. Mohamed Saber Ben Khalou, 11. Faikal Amheye, 12. Tom Sterkenburg (q), 2. Adnane El Terrahi, 4. Tim Taylor, 5. Kevin Van Londen, 7. Kolin Kamp (k), 8. Nabil Azzanagui, 9. Hamza Benali.
Baş məşqçi: Hyalmar Hoekema.
Azərbaycan: 1. Vladislav Reznov (q), 2. İqbal Pənahov (k), 3. Tofiq Hüseynov, 7. Nurlan Mehdizadə, 10. Kənan Əsədli, 12. Niyaz Əhmədov (q), 4. Turan Əhmədov, 5. Rauf Rüstəmov, 6. Sabir Həsənov, 8. Hüseyn Qarayev, 9. Rafael Mütəllimov, 17. Nicat Quluzadə.
Baş məşqçi: Ağatahir Əzimov.