“Sumqayıt”ın nəzdində futzal məktəbi fəaliyyətə başlayır.
Sportinfo.az xəbər verir ki, bu məqsədlə seleksiya xarakterli məşqlərə start veriləcək.
Seçimlər hər həftənin 1-ci və 4-cü günləri Sumqayıt Olimpiya İdman Kompleksində keçiriləcək. Məşqlərdə 10-14 yaş arası futzalçılar iştirak edə biləcəklər. “Sumqayıt” futzal məktəbinə Baba Əsgərov rəhbərlik edəcək.
Bu, Premyer Liqada çıxış edən klubların nəzdində fəaliyyət göstərəcək ilk futzal məktəbidir. Futzal məktəbinin rəsmi açılış mərasimi haqqında məlumat veriləcək.
