“Birinci oyunda müdafiədə müəyyən səhvlərə yol vermişdik, məşq zamanı onları düzəltməyə çalışdıq”.
Sportinfo.az xəbər verir ki, bu sözləri futzal üzrə Türkiyə U-19 millisinin baş məşqçisi Murat Kaya deyib.
Hazırlıq oyununda millimizlə qarşılaşan qardaş ölkə yığması böyükhesablı qələbə qazanıb – 10:1. Matçdan sonra açıqlama verən türk mütəxəssis fikirlərini bölüşüb:
“Bilirdik ki, rəqibimiz əsas standart vəziyyətlər zamanı təhlükəli olur. Bu dəfə səhvsiz oynadıq, sürəti artırmağa çalışdıq.
Göstərdiyiniz qonaqpərvərliyə, diqqətə görə təşəkkürümüzü bildiririk. Bizim üçün faydalı oyunlar oldu”.
