19 yaşadək futzalçılar arasında ilk Avropa çempionatına start verilib.
Sportinfo.az xəbər verir ki, yarışın təsnifat mərhələsində ilk turun görüşləri keçirilib.
Mübarizəyə əsas seçmə mərhələdən başlayacaq Azərbaycan millisinin rəqibinin müəyyənləşdiyi B qrupunda 2 görüş baş tutub. Potensial rəqiblərimizin duellərində darmadağın qeydə alınıb.
Kosovo meydan sahibi San-Marinonu 11:2 hesabı ilə məğlub edib. Kipr isə İsveç üzərində böyükhesablı qələbə qazanıb – 6:1.
Yığmamız martın 26-31-də keçiriləcək əsas seçmə mərhələdə 2-ci qrupda mübarizə aparacaq.
Komandamızın rəqibləri meydan sahibi Sloveniya, Hollandiya və B qrupunun qalibi olacaq.
