Futzal üzrə Azərbaycan millisinin dünya çempionatının əsas mərhələsindəki rəqibi müəyyənləşib.
Sportinfo.az xəbər verir ki, Joze Alesionun baş məşqçi olduğu kollektiv 3-cü qrupda mübarizə aparacaq.
Rəqiblər Slovakiya, ilkin mərhələnin Hollandiya, Monteneqro, Bolqarıstan və Estoniyadan ibarət G qrupunun ikinci yer sahibi, eləcə də Finlandiya, Moldova, Uels və Şimali İrlandiyadan ibarət H qrupunun qalibi olacaq.
Oyunlar 2019-cu il 22 - 27 oktyabrda Bakıda keçiriləcək. Əsas mərhələdən elit raunda hər qrupdan 2 ən yüksək nəticə qazanmış komanda vəsiqə qazanacaq.
