Sloveniyanın paytaxtı Lyublyanada keçirilən futzal üzrə Avropa çempionatının final mərhələsinin bombardirlər siyahısı açıqlanıb.
Sportinfo.az xəbər verir ki, Azərbaycan millisinin oyunçusu Bolinya məhsuldarlığı ilə seçilib.
İlk oyunda het-trik edən millimizin “stolba”sı ən yaxın izləyicisini 1 top qabaqlayır. Onu Fransa millisinin iki üzvü - Süheyl Muhidin və Abdessamad Mohammed, həmçinin serbiyalı Draqan Tomiç izləyir. Bu oyunçuların hamısı 2 matç keçirib.
Məhsuldar ötürmələrin sayında da liderlər sırasında Azərbaycan yığması təmsil olunub. Düzdü, burada təkhakimiyyətlilik yoxdu. 6 futzalçı hərəyə 2 assistlə fərqlənib.
Onlardan ikisi – Eduardo və Fineo millimizin oyunçularıdı. Fransalı Süheyl Muhidin, portuqaliyalı Rikardinyo, serbiyalı Mladen Koçiç və qazaxıstanlı Duqlas Junior hərəyə 2 assistə malikdi.
