Futzal üzrə Azərbaycan millisi bu gün növbəti oyununu keçirəcək.
Yığmamız Avropa çempionatının seçmə mərhələsində ikinci matçına çıxacaq.
Turnirə Slovakiya üzərində 4:1 hesablı ev qələbəsi ilə başlayan Joze Alesionun yetirmələri ilk Yunanıstanın qonağı olacaq.
3-cü qrupda liderliyi ələ keçirən millimiz turnirə məğlubiyyətlə başlayan Ellada təmsilçisi ilə görüşdə də favoritdir. Moldovada 1:3 hesabı ilə uduzan yunanıstanlıların xal qazanması da sensasiya sayılacaq.
Azərbaycan Futzal Federasiyasının rəhbərliyi komandanı stimullaşdırıb. İki qələbənin mükafatı 5000 manatdır.
SPORTİNFO.AZ