“Real”ın qapıçısı Andrey Lunin kimi futbol tarixinin ən yaxşı oyunçusu hesab etdiyini deyib.
Sportinfo.az “Marca”-ya istinadən xəbər verir ki, ukraynalı qolkiperin seçimi “kral klubu”nun keçmiş hücumçusu Kriştiano Ronaldo olub.
Portuqaliyalı forvard 2009-2018-ci illərdə “Real”ın rənglərini qoruyub.
39 yaşlı hücumçu hazırda Səudiyyə Ərəbistanının “Əl-Nəsr” klubunun futbolçusudur. Ronaldo ötən mövsüm bu komandanın bombardiri olub.
