Azərbaycan cüdoçuları Monqolustanın paytaxtı Ulan-Batorda keçirilən "Böyük Dəbilqə" turnirinin ilk gününü iki medalla başa vurublar.
Sportinfo.az xəbər verir ki, son olaraq Nizami İmranov (66 kq) bürünc medal uğrunda görüşdə yerli idmançı Yolk Kazırbyeklə üz-üzə gəlib.
Rəqibini məğlub edən milli üzvü bürünc mükafata sahib çıxıb.
Daha əvvəl Balabəy Ağayev (60 kq) qızıl medal qazanıb.
"Böyük Dəbilqə" iyunun 21-də başa çatacaq. Azərbaycan yarışda 17 idmançı ilə təmsil olunur.
