Braziliya millisinin və “Real”ın hücumçusu Vinisius Junior Argentina yığmasının DÇ-2026-dakı şansları barədə fikirlərini bölüşüb.
Sportinfo.az xarici KİV-ə istinadən xəbər verir ki, o, bunu deyib:
“Argentina millisini 2026-cı il dünya çempionatının favoritləri arasında görürəm. Çünki onlar hazırkı dünya çempionudurlar, özlərinə inanırlar və Lionel Messiyə sahibdirlər.
O, hər zaman xüsusi nəsə etməyə qadirdir. Messidən nə gözləmək lazım olduğunu heç vaxt bilmirsən”.
Argentina millisi mundialın qrup mərhələsində Əlcəzair, Avstriya və İordaniya yığmaları ilə qarşılaşacaq.
Komanda 2022-ci ildə Qətərdə keçirilən dünya çempionatının qalibi olub. Braziliya millisi isə dünya çempionluğunu sonuncu dəfə 2002-ci ildə qazanıb.
.jpg)
