Kriştianu Ronaldonun "Əl-Nəsr"lə müqaviləsini 2027-ci ilə qədər uzatdıqdan sonra alacağı maaş məlum olub.
Sportinfo.az xəbər verir ki, bu, futbol tarixində rekord göstəricidir.
Jurnalist Tankredi Palmerinin məlumatına görə, 40 yaşlı portuqaliyalı hücumçu illik 263 milyon avro qazanacaq. Bu məbləğ futbol tarixində ən yüksək illik gəlirdir.
Müqayisə üçün:
Karim Benzema ("Əl-İttihad") – 200 milyon avro
Lionel Messi ("İnter Mayami") – 200 milyon avro
Kilian Mbappe ("Real") – 77,5 milyon avro
Sadio Mane ("Əl-Nəsr") – 41 milyon avro
Bundan əvvəl "Marca" nəşri Ronaldonun illik maaşının 183 milyon avro olacağını yazmışdı. Yeni rəqəm isə əvvəlki məlumatı əhəmiyyətli dərəcədə üstələyir.
