Cüdoçumuz finala çıxdı

14 Dekabr 2019 12:48 Cüdo 980
Cüdoçumuz finala çıxdı

Çinin Tsindao şəhərində nüfuzlu "World Masters" cüdo turniri davam edir. Sportinfo.az xəbər verir ki, yarışın sonuncu - 3-cü günündə Azərbaycan milli komandasının 5 üzvü tatami üzərinə çıxıb.

Onlardan yalnız 78 kq-dan yuxarı çəki dərəcəsində çıxış edən İrina Kindzerska ümidləri doğruldub. Milliləşdirilmiş ukraynalı cüdoçu ilk qarşılaşmada Anna-Fatumat Mbairoya (Fransa) qalib gəlib. Daha sonra yerli idmançı Yanan Jianqa da qalib gələrək 1/4 finala yüksəlib. Burada braziliyalı Beatriz Souzanı məğlub edən İrina yarımfinalda Cənubi Koreya təmsilçisi Hayun Kimlə üz-üzə gəlib. Güclü rəqibini də üstələyən Kindzerska finala vəsiqə alıb. Həlledici görüşdə onun rəqibi Tesso Savelkouls (Hollandiya) olacaq.

Bu gün mübarizəyə qoşulan digər 4 cüdoçumuz isə mükafatçılar sırasına düşə bilməyib. Onlardan 3-ü elə ilk görüşədəcə uduzaraq mübarizəni dayandırıb. Məmmədəli Mehdiyev (90 kq) Aleksandr Kukola (Serbiya), Elmar Qasımov (Peter Palçikə (İsrail), Zelim Kotsoyev (100 kq) isə Arman Adamyana (Rusiya) məğlub olub.

Uşanqi Kokauri (+100) rusiyalı Ruslan Şahbazova qalib gəlsə də, 1/8 finalda David Mouraya (Braziliya) uduzaraq çıxışını başa vurub.

Azərbaycan millisi yarışa 11 cüdoçu ilə qatılıb. Təmsilçilərimizdən yalnız Rüstəm Orucov (73 kq) bürünc medal qazanıb.

Digər Xəbərlər
Xəbər Lenti