“Mançester Siti”nin müdafiəçisi Con Stounz UEFA Çempionlar Liqasının pley-off mərhələsində “Real”la ilk oyundan (2:3) sonra fikirlərini bildirib.
Sportinfo.az xarici KİV-ə istinadən xəbər verir ki, o, cavab oyununda daha yaxşı çıxış edəcəklərinə inanır:
“Bu, hələ son deyil. Pozitiv qalmalıyıq, bunu indi etmək çox çətindir.
Biz daha yaxşı oynamalıyıq. Cavab oyununda özümü ən yaxşı tərəfdən göstərmək üçün əlimdən gələni edən ilklərdən biri olacam.
Biz pozitiv qalmalı və gələcəyə baxmalıyıq. İşləri düzəltmək üçün daha 90 dəqiqəmiz var”.
Çempionlar Liqasının pley-off mərhələsinin “Mançester Siti” və “Real” arasında cavab oyunu fevralın 19-da keçiriləcək.
