“Arsenal”ın baş məşqçisi Mikel Arteta “Porto”nun çalışdırıcısı Serxio Konseysaonu təhqir edib.
Sportinfo.az xəbər verir ki, hadisə ötən gün Çempionlar Liqasının 1/8 finalında “Arsenal”ın “Porto”nu penaltilərlə məğlub etdiyi matçdan sonra baş verib.
S. Konseysao yaşanmış xoşagəlməz hadisə və oyunun nəticəsi haqqında danışıb:
“Nəticə ədalətsiz idi. “Porto” qalib gəlməyə layiq idi. Arteta isə ailəmi təhqir etdi. Bunun ispan menecerlərlə əlaqəsi olub-olmadığını bilmirəm, amma o, mənim ailəmi söydü”.
Mikel Arteta isə oyundan sonra keçirilən mətbuat konfransında yalnız “şərh yoxdur” deyərək mövzunu yekunlaşdırıb.
"Porto”nun baş məşqçisi S.Konseysao həmçinin 2021-ci ildə Çempionlar Liqasının matçından sonra “Çelsi”nin baş məşqçisi Tomas Tüheli də onu təhqir etməkdə günahlandırmışdı.