Azərbaycanın məşhur idmançısı Zabit Səmədov (Mauqli) bu gün İstanbuun “Akın Döyüş Arenası”nda növbəti qarşılaşmasını keçirib. Sportinfo.az xəbər verir ki, həmyerlimiz Belçikalı idmançı Frederik Sinistra (Tabutçu) ilə qarşılaşıb. “Mauqli” 2-ci raundda rəqibini məğlub etməyi bacarıb. Ayağından sərt zədə alan “Tabutçu” ləqəbli Frederik Sinistra qarşılaşmaya son vermək məcburiyyətində qalıb.
Döyüşdən sonra Zabit Səmədov rəqibi haqqında bunları bildirib: “Sinistra son 2 il ərzində mənimlə döyüşmək istəyirdi. Hətta bununla bağlı mənə məktub da yazmışdı. Bir iki döyüşünü izlədim. İkinci raunddan artıq rinqdə qala bilməyəcəyinə əmin idim”.
