Qadın basketbolçulardan ibarət Azərbaycan millisi 2029-cu il Avropa çempionatının ilkin seçmə mərhələsində növbəti oyununu keçirib.
Sportinfo.az xəbər verir ki, yığmamız A qrupunun üçüncü turunda İslandiya millisinin qonağı olub.
Səfər qarşılaşması meydan sahiblərinin 129:41 hesablı qələbəsi ilə başa çatıb. Beləliklə, Azərbaycan millisi rəqibinə 88 xal fərqi ilə uduzub.
Bu, komandamızın seçmə mərhələdə ardıcıl üçüncü məğlubiyyəti olub. İoannis Diamantakosun rəhbərlik etdiyi yığma əvvəlki oyunlarda İsveçrəyə 33:84, İrlandiyaya isə 73:91 hesabı ilə məğlub olmuşdu.
Beləliklə, Azərbaycan millisi noyabr ayındakı seçmə mərhələ oyunlarını qələbəsiz başa vurub.
Qrupun cavab qarşılaşmaları 2027-ci ilin fevralında keçiriləcək.
