Azərbaycan prezidenti İlham Əliyev aprelin 13-də Ukraynanın Kiyev Şəhər Dövlət Administrasiyasının başçısı, məşhur boksçu Vitali Kliçkonu qəbul edib. Xəbəri dövlət başçısının saytı yayıb.
Sportinfo.az xəbər verir ki, Vitali Kliçko görüş zamanı dünya şöhrətli boksçu Məhəmməd Əliyə həsr olunmuş, üzərində Məhəmməd Əlinin şəxsi avtoqrafı olan məhdud nəşrli kitab-albomun bir nüsxəsini hədiyyə olaraq İlham Əliyevə təqdim edib. Azərbaycan prezidentinə təqdim olunan bu kitab-albom məhdud nəşrin 16-cı nüsxəsidi.
