Azərbaycan millisinin hücumçusu Mahir Emrelinin də formasını geyindiyi "Dinamo" (Zaqreb) Xorvatiya Superkubokunda “Hayduk”la (Split) qarşılaşıb.
Sportinfo.az xəbər verir ki, matç Zaqreb təmsilçisinin 1:0 hesablı qələbəsi ilə başa çatıb.
Oyunda yeganə qolu 52-ci dəqiqədə Martin Baturina vurub. Beləliklə, "Dinamo" Xorvatiya Superkubokunun qalibi olub.
Mahir Emreli ehtiyat oyunçular arasına yer alıb və meydana çıxmayıb.
"Dinamo" son Xorvatiya çempionu, "Hayduk" son Xorvatiya kubokunun qalibidir.
