Türkiyə 1-ci Liqasında mövsümün sonuncu - 34-cü turun oyunları keçirilib.
Sportinfo.az xəbər verir ki, Ramil Şeydayevin formasını geyindiyi "Kocaelispor" doğma meydanda "Sakaryaspor"u qəbul edib.
Qarşılaşma qonaqların 2:0 hesablı qələbəsi ilə başa çatıb.
Ramil Şeydayev də bu görüşün iştirakçısı olub. 27 yaşlı forvard 60-cı dəqiqədə meydana daxil olub.
34 turdan sonra 55 xal toplayan "Kocaelispor" mövsümü 6-cı pillədə başa vurub. İzmit təmsilçisi Super Liqaya yüksəlmək üçün pley-off matçlarında iştirak edəcək.
