"Mövsümün sonunda Türkiyə klubundakı taleyimə aydınlıq gələcək".
Sportinfo.az xəbər verir ki, bunu “report”a açıqlamasında "Adana Dəmirspor"un və Azərbaycan millisinin qapıçısı Şahruddin Məhəmmədəliyev deyib.
Qolkiper Türkiyə klubundakı gələcəyi ilə bağlı danışıb: “Adana Dəmirspor" ilə müqaviləmin müddəti 2025-ci ildə başa çatacaq.
Mən bu komandanın futbolçusuyam. Mövsümün sonunda hər şey daha dəqiq bilinəcək”.
Türkiyə Superliqasının XXXIV turunda “Qalatasaray”a (0:3) qarşı meydana çıxan Ş.Məhəmmədəliyev oyunla bağlı fikirlərini bölüşüb:
“Ümumilikdə pis oyun alınmadı, lakin yekunda qələbə rəqibin oldu. İlk hissədə pis çıxış etmədim. Sadəcə, "Qalatasaray"da Muslera var”.
