Türkiyə 1-ci Liqasında 28-ci turun oyunları keçirilir.
Sportinfo.az xəbər verir ki, Ramil Şeydayevin formasını geyindiyi "Kocaelispor" doğma meydanda"Göztepe"ni qəbul edib.
Qarşılaşma ev sahiblərinin 3:2 hesablı qələbəsi ilə başa çatıb.
Ramil Şeydayev də bu görüşün iştirakçısı olub. 27 yaşlı forvard 85-ci dəqiqədə meydana daxil olub.
O, 90+7-ci dəqiqədə komandasına penalti qazandırıb.
28 turdan sonra 48 xal toplayan "Kocaelispor" turnir cədvəlinin 4-cü pilləsində qərarlaşıb.
