Azərbaycan millisinin qapıçısı Şahruddin Məhəmmədəliyevin də formasını geyindiyi "Adana Demirspor" Türkiyə Superliqasında 20-ci tur oyununa çıxıb.
Sportinfo.az xəbər verir ki, komanda səfərdə "Rizespor"la qarşılaşıb.
Matçda meydan sahiblərinin 1:0 hesablı qələbəsi ilə başa çatıb. Şahruddin Məhəmmədəliyev meydana start heyətdə çıxıb və sonadək oynayıb.
"Adana Demirspor" hazırda Superliqanın turnir cədvəlində 29 xalla 6-cı, "Rizespor" isə 32 xalla 5-ci pillədə qərarlaşıb. Siyahıya 50 xalla "Fənərbaxça" başçılıq edir.
"Rizespor" - "Adana Demirspor" 1:0
Qollar: Moksi, 54
