Ötən ilin dekabrında İrana yollanan Nadir Qasımov geri qayıdıb.
Bir ay qabaq «Günəş»lə birillik müqavilə imzalayan baş məşqçi gözlənilmədən ayrılıq qərarı verib.
Buna səbəb Mazandıran təmsilçisinin vədini tutmamasıdır. Belə ki, o, ikinci liqada mübarizə aparacaq komandanı birinci liqaya daşımağın məsuliyyətini ööz üzərinə götürsə də, rəhbərlik büdcə artımı həyata keçirməyib.
Nəticədə Qasımov istədiyi futbolçuları transfer edə bilməyib. Odur ki, təcrübəli mütəxəssislə rəsmilər arasında fikir ayrılığı yaranıb.
Bundan sonra ona bəhanə gətiriblər ki, İran Futbol Federasiyası yerli pasportu olmayan şəxslərin ikinci liqada baş məşqçi kimi çalışmasına icazə vermir.
Yekunda Qasımov çıxış yolunu vətənə dönməkdə görüb.
SPORTİNFO.AZ
