“Uzun müddətdir əsas hədəflərimdən biri uzaq qaldığım milli formanı yenidən geyinməkdir”.
Bu sözləri Sportinfo.az-a açıqlamasında “Boluspor”la müqavilə imzalayan Vüsal İsgəndərli deyib.
“Eqnatiya”nı (Albaniya) Türkiyənin I Liqa təmsilçisinə dəyişən yarımmüdafiəçi tezliklə yığmanın qapılarının üzünə açılacağına ümid edir:
“Albaniyada yaxşı çıxış etsəm də, milliyə dəvət almadım. Türkiyənin birinci liqasından Bəxtiyar və Coşqun milli komandaya çağrılırdılar.
Düşünürəm ki, bundan sonra mənə də münasibət dəyişə bilər. Ən çox da bu yöndən bura gəlməyi çox istədim.
Albaniyada yaxşı çıxış edirdim, amma dəvət almırdım. Görünür, liqanı zəif görürdülər.
Düşündüm ki, Türkiyədə də yaxşı oynamağa davam etsəm, bəlkə milli komandaya da dəvət alaram”.
