Zaqrebdə hamının gözü Mahirdə: Bir qol, bir ötürmə - VİDEO

25 Sentyabr 00:30 Bizimkilər 3 365
Zaqrebdə hamının gözü Mahirdə: Bir qol, bir ötürmə - VİDEO

Azərbaycan millisinin hücumçusu Mahir Emrelinin də formasını geyindiyi Zaqreb “Dinamo”su Xorvatiya çempionatında 9-cu tur oyununa çıxıb.

Sportinfo.az xəbər verir ki, komanda səfərdə autsayder “Rudeş”lə qarşılaşıb və 5:1 hesabı ilə qalib gəlib.

Start heyətdə meydana çıxan Mahir Emreli matçın 38-ci dəqiqəsində komandasının 2-ci qolunu vurub.

O, görüşün 58-ci dəqiqəsində komandasının 5-ci qolunun ötürməsini də edib. 26 yaşlı hücumçu Josip Drmiçə məhsuldar ötürmə verib. Mahir 73-cü dəqiqədə əvəzlənb.

Bu nəticədən sonra “Dinamo” turnir cədvəlində 16 xalla (7 oyun) 3-cü pillədə qərarlaşıb. Turnir cədvəlinə 18 xalla (8 oyun) “Hayduk” başçılıq edir

M.Emreli bu mövsüm Xorvatiya çempionatında bundan əvvəl meydana çıxdığı 5 matçda 2 qol vurub, 1 qolun ötürməsi verib.

Xəbər Lenti