Azərbaycan millisinin hücumçusu Mahir Emrelinin formasını geyindiyi "Dinamo" (Zaqreb) Xorvatiya çempionatında 2-ci tur oyununa çıxıb.
Sportinfo.az xəbər verir ki, komanda səfərdə "İstra 1961" ilə qarşılaşıb.
Oyun Zaqreb təmsilçisinin 3:0 hesablı qələbəsi ilə başa çatıb. M.Emreli sözügedən görüşdə start heyətdə meydana çıxıb.
O, matçda fərqlənməyi də bacarıb. 6-cı dəqiqədə Luka İvanuşeçin vurduğu qolun ötürməsini Emreli verib.
Həmçinin o, 57-ci dəqiqədə komandasının 2-ci qoluna imza atıb. Hücumçu 88-ci dəqiqədə Bruno Petkoviç ilə əvəzlənib.
Mahirin komandası hazırda turnir cədvəlində 3 xalla 4-cüdür. Zaqreb təmsilçisi ilk turda "Hayduk"a 1:2 hesabı ilə uduzub.
"İstra 1961" - "Dinamo" (Zaqreb) - 0:3
Qollar: Luka İvanuşeç, 6 (ötürmə: Mahir Emreli), Mahir Emreli, 57, Robert Lyubiçiç, 69
Baş hakim: Duye Strukan
"Aldo Drosina" stadionu.
