“Lütsern”lə oyunda əlimə düşən qol şansını qaçırdığım üçün məyusam”.
Sportinfo.az-ın “fotbollskanalen.se”yə istinadən məlumatına görə, bunu “Yurqorden”in (İsveç) azərbaycanlı futbolçusu Musa Qurbanlı Konfrans Liqasının II təsnifat mərhələsində İsveçrə təmsilçisi “Lütsern”ə məğlub olduqları (1:2) oyunla bağlı danışarkən deyib.
Stokholmdakı qarşılaşmanın ikinci hissəsində əlverişli vəziyyəti qola çevirə bilməyən 21 yaşlı hücumçu bunu sığortalayacağına inanır:
“Adətən, belə imkanlardan daha yaxşı yararlanıram. Növbəti şansı əldə etməyə çalışacam”.
21 yaşlı forvard nəticənin onları qane etmədiyini söyləyib:
“Nəticə yaxşı olmadı. Bu, məyusedicidir. Amma təslim olmayacağıq. Cavab görüşündə vəziyyəti dəyişməyə çalışacağıq”.
