Çempionlar Liqasında II təsnifat mərhələsinin ilk oyunları keçirilir.
Sportinfo.az xəbər verir ki, Azərbaycan millisinin hücumçusu Mahir Emrelinin formasını geyindiyi "Dinamo" doğma meydanda "Astana"nı qəbul edib.
Qarşılaşma Zaqreb təmsilçisinin 4:0 hesablı qələbəsi ilə başa çatıb.
Mahir Emreli də bu matçın iştirakçısı olub. 26 yaşlı forvard 80-ci dəqiqədə Bruno Petkoviçin əvəzinə meydana daxil olub.
Komandalar arasında cavab görüşü 2 avqust tarixində Qazaxıstanda baş tutacaq.
