Azərbaycan millisinin sabiq hücumçu Rüfət Dadaşov "Dinamo"ya (Berlin) keçidi ilə bağlı danışıb.
Sportinfo.az xəbər verir ki, "Berliner Kurier"a danışan forvard yeni mövsümdən gözləntilərini bölüşüb:
"Mən burada cəmi bir il oynamışam, o da 2017/2018 mövsümündə. Amma bu, evə qayıtdığımı düşünmək üçün kifayətdir.
Burada çox insan tanıyıram. Xoş hissdir. Həyat yoldaşım Berlindəndir. Onunla bu şəhərdə tanış olmuşuq.
Berlinə qayıdacağımızı həmişə bilirdik. Şəhərin başqa heç bir klubuna getməzdim".
Rüfət maliyyə məsələsinin o qədər də önəmli olmadığını qeyd edib:
"Şalke"də daha çox qazana bilərdim. Ancaq bir nöqtədə, artıq bu, əhəmiyyət kəsb etmir. Yeni çağırış istədim. Düşünürəm ki, doğru yerdəyəm".
