Azərbaycan millisinin hücumçusu Ramil Şeydayev Tailandın "Buriram Yunayted" klubunda debüt edib.
Sportinfo.az xəbər verir ki, 27 yaşlı forvard "Utai Tani"yə qarşı keçirilən hazırlıq matçında iştirak edib.

Qarşılaşma həmyerlimizin komandasının 2:1 hesablı qələbəsi ilə başa çatıb. Qolları Sasalak və Doumbouya vurub.
Ramil Şeydayev "Qarabağ"dan ayrıldıqdan sonra azad agent statusu ilə "Buriram Yunayted"ə keçib. O, klubla 2025-ci ilin iyun ayına kimi nəzərdə tutulan müqavilə imzalayıb.

