Ötən ay "Səbail"dən ayrılan Şahin Zəkiyev hələ də klubsuzdu.
Qolkiperin Polşa klubu ilə müqavilə imzalayacağı gözlənilsə də, bu hələ reallaşmayıb.
Noyabrın əvvəlindən adıçəkilən ölkəyə yollanan həmyerlimiz özünə klub tapmaqda çətinlik çəkir.
Düzdü, onu heyətinə qatmaq istəyən klublar var, amma şərtlər qanedici deyil. Gah ehtiyat qapıçı olmaq istəməməyi, gah da aşağı maaş təklifi Zəkiyevi narazı salan detallardı.
Qarşısına legioner həyatı yaşamaq məqsədi qoyan futbolçumuz ölkəmizə qayıtmağa hələ tələsmir. O, yaxın günlərdə ürəyincə olan klub tapacağına ümid edir.
Xatırladaq ki, Şahin Zəkiyev ölkəmizdə "Səbail" və "Keşlə" klublarının şərəfini qoruyub.
SPORTİNFO.AZ