Çempionlar Liqasının 2-ci təsnifat mərhələsi çərçivəsində Azərbaycan çempionu "Qarabağ"la Gürcüstan "Samtredia"sı arasında keçiriləcək qarşılaşmanın biletləri bu gündən etibarən satışa çıxarılıb.
Sportinfo.az xəbər verir ki, azarkeşlər hər gün saat 10:00-dan 19:00-a kimi Tofiq Bəhramov adına Respublika stadionun kassalarından bilet əldə edə bilər. Ağdam klubundan verilən açıqlamaya görə, artıq ilk gündə 2500 bilet öz sahibini tapıb.
"Qarabağ" – “Samtredia" matçı iyulun 11-də keçiriləcək və saat 21:00-da start götürəcək. Biletlərin qiyməti sektorlara görə 1-5 AZN arasında dəyişir, VİP sektoruna isə 30 AZN-di.
1-5 və 24-28 nömrəli sektorlar - 1 AZN
6-10 və 19-23 nömrəli sektorlar - 2 AZN
11-13, 29, 38 və 14-18 nömrəli sektorlar - 5AZN
VİP - 30 AZN
.jpg)
