Avropa Liqasında 1/16 finalın cavab oyunları keçirilir.
Sportinfo.az xəbər verir ki, "Vulverhempton" səfərdə "Espanyol"a 2:3 hesabı ilə uduzub. Məğlubiyyətə baxmayaraq, ilk oyunda böyük hesabla qalib gələn İngiltərə klubu 1/8 finala yüksəlib.
Qonaq komandanın baş məşqçisi Nunu Eşpiritu Santu yenə Azərbaycan millisinin hücumçusu Renat Dadaşovun xidmətindən yararlanmayıb. 21 yaşlı oyunçu matçın iştirak ərizəsində belə yer almayıb.
"Espanyol" - "Vulverhempton" - 3:2
Qollar: Conatan Kalyeri, 16, 57 (pen.), 90+1 - Adama Traore, 22, Mett Doerti, 79