Bakıda keçirilən “Dünya Kuboku 2023”də daha bir... VİDEO+FOTOLAR

13 May 2023 03:40 Atıcılıq 313
Bakıda keçirilən “Dünya Kuboku 2023”də daha bir... VİDEO+FOTOLAR

Bakıda keçirilən atıcılıq üzrə “Dünya Kuboku 2023”də daha bir növdə mükafatçılar bəlli olub.

Sportinfo.az xəbər verir ki, 10 metr məsafəyə pnevmatik tüfəngdən atəş üzrə kişilər arasında və qadınlar arasında yarışların final mərhələləri keçirilib.

Kişilər arasında 8 idmançının medal uğrunda yarışdığı finalda üçüncü yeri çinli Lihao Şenq tutub. O, mərhələni 230.5 xalla başa vurub.

Gümüş medalı Hindistan təmsilçisi Hriday Hazarika əldə edib. O, 251.9 xal qazanıb.

Yarışın qalibi isə Macarıstan idmançısı Zalan Pekler olub. 252.4 xal toplayan idmançı bütün rəqiblərini qabaqlayıb.

Qadınlar arasında bürünc medalı 232.5 xalla çinli Huan Yutin, gümüş medalı 253.3 xalla Hindistan millisinin üzvü Nensi Nensi, qazanıb. Yarışın qalibi isə 254 xal ilə Çin yığmasının nümayəndəsi Han Jiayu olub.

“Qızıl medala sahib olduğuma görə sevincliyəm. Bakı Atıcılıq Mərkəzindəki atəş meydançaları olduqca yeni və baxımlıdır. Burada yarışmaq mənə zövq verir.

Azərbaycanı da çox bəyənirəm. Xüsusən də insanlarını. Olduqca mehriban və qonaqpərvərdirlər” – bu fikirləri medal təqdimatından sonra verdiyi müsahibədə Han Jiayu bildirib.

Yarışlar sabah 25 metr məsafəyə atəş üzrə qadınlar, 3 mövqedən 50 metr məsafəyə atəş üzrə kişilər arasında atəş üzrə növlərdə davam edəcək.











Digər Xəbərlər
Xəbər Lenti