.jpg)
Bakıda keçirilən atıcılıq üzrə Dünya Kubokunda maraqlı hadisə yaşanıb.
Qadınların komanda növündə 25 metr məsafəyə atəşaçmada qızıl medallara ukraynalı qızlar sahib olub.
İkinci yerə Tayland yiyələnib, bürünc medallar Cənubi Koreyadan olan atıcılara qismət olub.
Taylandlı qızlar final qarşılaşmasında və medalların təltifetmə mərasimində Ukraynaya dəstək nümayiş etdirib.
Belə ki, asiyalı zərif cinsin nümayəndələri atış sahəsinə başlarında rəqib komandanın ölkəsinin bayrağındakı sarı-göy rəngli bantlarla çıxıb. Yarış zamanı atıcıların başında kepka olduğundan, bu, o qədər də diqqət çəkməyib.
Medalların təltifetməsi mərasimində qızların jesti açıq-aydın görünüb ki, onların bu addımı zaldakıların təəccüb və sevinci hissi ilə qarşılanıb.
Ukraynalı qadınlar mətbuata açıqlamalarında taylandlıların bu addımından qürur duyduqlarını dilə gətirib.
HƏBİB / SPORTİNFO.AZ
.jpg)
.jpg)