I Divizionda VII tura yekun vurulub.
Sportinfo.az xəbər verir ki, “Neftçi-2” qələbə seriyasını bu həftə də davam etdirib.
Mahmud Qurbanovun çalışdırdığı komanda “Qaradağ Lökbatan”la görüşdə minimalhesablı qələbəyə sevinib. Valeh Qəhrəmanlı 74-cü dəqiqədə “ağ-qaralar“a 3 xal qazandıran qola imza atıb.
Beləliklə, bakılılar turnir cədvəlinin liderlər qrupunda özünə yer edib. Xal ehtiyatını 14-ə çatdıran komanda 3-cü pilləyə yüksəlib.