UEFA növbəti dəfə AFFA-nı silkələyib. Sportinfo.az-ın məlumatına görə, Avropa futbol qurumu Bakıya məktub yollayaraq, I Divizionda oyun alqı-satqısının "yeni dalğa"sı barədə AFFA-nı məlumatlandırıb.
Məktubda birinci dəstənin son 4-5 turuyla bağlı qaranlıq məqamların olduğu göstərilib. Nəticələri şübhə doğuran komandaların siyahısına yalnız "Qaradağ Lökbatan", MOİK, "Turan-Tovuz" və "Ağsu"nun adları daxil edilməyib.
Onlarla yanaşı, bəzi Premyer Liqa klublarının əvəzedici heyətləri də qitə futbol təşkilatının "diqqətini çəkib". UEFA artıq əmindir ki, qeyri-leqal bukmeyker kontorları I Divizionu təsir dairəsinə daxil edib. Onların "əməkdaşlığı" yalnız "Ağsu" ilə məhdudlaşmır.