I divizionun VII turu çərçivəsində “Kəpəz” – “Qarabağ-2” (1:0) ilə qarşılaşıb. Sportinfo.az Gəncə klubunun rəsmi saytına istinadən xəbər verir ki, görüş 18 oktyabr Azərbaycanın Dövlət Müstəqilliyi Gününə təsadüf etdiyindən ev sahibi matça xüsusi hazırlaşıb.
Gəncə klubunun futbolçuları meydana “Qarabağ Azərbaycandır!” yazılı plakatla çıxıblar. Bundan başqa, meydanda böyük ölçülü üç rəngli bayrağımız açılıb. Stadionda Azərbaycanın Respublikasının Dövlət himni hərbi orkestr tərəfindən ifa olunub.