.jpg)
Ötən ay təmirə bağlanan Tovuz stadionunun nə vaxt istifadəyə veriləcəyi məlum olub.
"Turan Tovuz"un idman direktoru Nadir Nəbiyev Sportinfo.az-a bildirib ki, AFFA-nın hərtərəfli dəstəyi ilə aparılan yenidənqurma işlərinin ilin sonunadək başa çatdırılması planlaşdırılır:
"Tikintini aparan şirkət bütün qüvvəsiylə çalışır. Hər gün burada qızğın iş gedir. Eyni vaxtda həm söküntü, həm də tikinti aparılır.
Bütün bunlar plan əsasında görülür. Bazanın özündə, meydançada, tribunada - ümumiyyətlə, ərazidə nə varsa, hamısı yenilənir.
Əsas komandamız gələn ilədək ev oyunları keçirməyəcək. Peşəkar Futbol Liqasıyla danışıb, bu müddətdə olan bütün ev oyunlarının yerini səfərə salmaqla bağlı razılaşmışıq".
