.jpg)
«AFFA-nın lisenziyalaşdırma tələblərini yerinə yetirməyə çalışırıq, bu istiqamətdə xeyli iş görmüşük».
Bu sözləri Sportinfo.az-a açıqlamasında «Zaqatala»nın prezidenti Musa Qurbanov deyib.
Növbəti mövsüm Premyer Liqada mübarizə aparmaq istədiklərini bildirən klub rəhbəri qeyd edib ki. lazım olan sənədləri toplayıblar:
«AFFA haımya fevralın 15-dək vaxt verib. Həmin tarixədək işimizi görüb qurtarmalıyıq. Bizdə bir stadiona aid sənəd qalıb.
Zaqatala Olimpiya Kompleksinin stadiounun icarəyə götürdüyümüzü təsdiqləyən sənədi federasiyaya təqdim eləməliyik.
Bilirsiz ki, bura Gənclər və İdman Nazirliyinin balansındadır. Yəqin ki, nazirlik həmin sənədi yaxın günlərdə bizə göndərəcək.
Maliyyə məsələsi? Divizionun digər klublarında olduğu kimi, bizdə də problem sponsordur. Bu məsələni yalnız AFFA-nın özü həll edə bilər».
