I Divizionda ikinci dövrəyə hazırlıq görən “Araz Naxçıvan” yeni transfer edib.
Bu barədə Sportinfo.az-a muxtar bölgənin təmsilçisini çalışdıran Azər Bağırov məlumat verib.
Onun sözlərinə görə, Nikolaz Baçaliaşvili ilə 5 aylıq müqavilə imzalanıb. Komanda Premyer Liqaya vəsiqə qazanarsa, anlaşmanın müddəti birillik uzadılacaq.
Azərbaycanın U-17, U-19 və U-20 yığmalarında çıxış etmiş arxa xətt oyunçusu bu məqsədlə Gürcüstandan ayrılıb. “Qəbələ“nin yetirməsi son olaraq tarixi ölkəsində “Spaeri”nin formasını geyinib.
Nikolazın komandası Gürcüstan yüksək liqasına çıxmaq uğrunda mübarizə aparırdı. Amma onlar sonda həmin vəsiqəni əldə edə bilməyib.
