«Araz Naxçıvan»ın Bakıda qarşılaşacağı rəqibləri müəyyənləşdirib.
Bu barədə Sportinfo.az-a Muxtar Respublika təmsilçisinin baş məşqçisi Azər Bağırov məlumat verib.
I Divizionun lideri yanvarın 20-dən paytaxtda təlim-məşq toplanışının son mərhələsinə start verəcək. Hazırda Uzunobada hazırlıq keçən komanda paytaxtda 4 sparrinqlə üz-üzə gələcək.
«Araz Naxçıvan» burada «Qaradağ Lökbatan», MOİK, «Zirə-2» və «Neftçi-2» ilə qüvvəsini sınayacaq. Yoxlama görüşləri fevralın 21-də, 24, 27 və fevralın 1-də baş tutacaq.