«Belə vəziyyətdə işləmək bizə çox çətindir».
Bu sözləri Sportinfo.az-a açıqlamasında «Zaqatala»nın baş məşqçisi Rüstəm Məmmədov deyib.
O, bu mövsümdən etibarən klubun maliyyə vəziyyətinin pisləşdiyini, istədikləri heyəti yığa bilmədiklərini bildirib:
«Hər il demək olar yeni komanda formalaşdırırıq. Bizdə elədir ki, növbəti mövsüm büdcənin qədər olacağını əvvəlcədən bilmirik.
Yalnız çempionatın startına az qalmış məlum olur ki, AFFA «Zaqatala»ya nə qədər vəsait ayırıb. Onda da əksər aparıcı futbolçularımız çıxıb gedir.
Bu il büdcənin bir qədər artırılacağını gözləyirdik. Onu bir qədər də azaltdılar. Başqa klublardan bir az artıq maaş təklif edən kimi burada qalmırlar.
Ötən illərdə həmişə qarşımıza məqsəd qoyurduq ki, iddialı olaq, yer tutaq. Bu il elə hədəfimiz yoxdur.
Üstünlüyü təcrübəsiz gənclərə vermişik və çalışırıq ki, heç olmasa, Zaqataladakı oyunlarda uduzmayaq.
Ona sevinirəm ki, sözümüzü tutmuşuq, evdəki oyunlarda məğlubiyyətimiz olmayıb».