Arxada qalan mövsüm birinci divizionun qalibi "Qaradağ Lökbatan" oldu.
Bu uğurda təbii ki, ən böyük pay sahiblərindən biri də komandanın hücumçusu Sabir Allahquliyev oldu.
O, vurduğu 22 qolla həm mövsümün bombardiri oldu, həm də çempionluq yolunda önəmli rol almış oldu.
Komandası Premyer Liqaya buraxılmayan Allahquliyev ümid edirdi ki, digər yüksək liqa təmsilçilərindən ona dəvət gələcək.
Amma arxada qalan müddətdə heç bir Premyer Liqa klubu ona maraq göstərməyib. Ancaq təcrübəli oyunçu ümidini üzmür.
Belə ki, bir neçə aşağı liqa təmsilçisində real təklifi olan Sabir qərar verməkdə tələsmir. Buna yeganə səbəb isə onun Premyer Liqa klublarından dəvət alacağı ilə bağlı qalan ümididir.
XANOĞLAN / SPORTİNFO.AZ