.jpg)
"İnsanlar elə bilir ki, hər şey Peşəkar Futbol Liqasından asılıdır".
Sportinfo.az xəbər verir ki, bu sözlər PFL-in prezidenti Ramin Musayevə məxsusdur.
AFFA İcraiyyə Komitəsinin "Xan Lənkəran"ı I Diviziona buraxmaması barədə qərarını şərh edən təşkilatçı qurumun rəhbəri bildirib ki, bunun həlli ondan asılı deyil:
"Buna AFFA İcraiyyə Komitəsi qərar verir. Vaxtilə bəzi klublar çempionatı yarımçıq tərk etdikləri üçün məcburiyyətdən belə qayda qoydular ki, komanda ən azı 3 il həvəskarlar liqasında çıxış etməlidir.
Yalnız bundan sonra I Diviziona vəsiqə qazanmaq olar. Bu yaxınlarda "Xan Lənkəran"ın prezidenti Pərviz Hüseynovla görüşmüşəm.
Xoşuma gəlir, cavan oğlandır, futbola vəsait ayırmaq fikri var, yaxşı ideyalara sahibdir. Amma qanun hamı üçün eynidir".
.jpg)
